СЛУЖБА СОБОРУ ВСЕХ
СВЯТЫХ ВОИНОВ

В НЕДЕЛЮ ПО ВОЗДВИЖЕНИИ

НА ВЕЛИЦЕЙ ВЕЧЕРНИ:

На «Господи воззвах» стихиры святым воинам, глас 6-й:

Радуйтеся ныне, православнии людие,/ яко лучами солнечными просвещаемии Животворным Крестом Господним;/ сим же образом диавол посрамляется/ знамением победы Христа над смертию/ таже и подвигами

святых воинов./ Сии же, яко звезды небесныя сияющи,/ небо Церкви облистают,/ присно молятся спастися душам нашим.

Силою Божиею препоясанных причастников Христова Царствия/ хранителей веры православныя,/ адаманты надежды на Бога светлых стражей, / любви жертвенныя житийных вестников, /восхвалим, горе́ сердца имамы, доблестию Богатых воинов святых,/ непрестанно молящихся о нас, // показующих благочестия образ.

Торжества день всесветлый:/ Господь крепость людем Своим даст, / благословит Бог люди Своя миром, /молитвами угодников святых воинов.// Тако, радующеся, восхвалим Милость Божию.

Слава святым воинам.

Паремии:

Иисуса Навина чтение. (6,1-19)

И рече Господь ко Иисусу! се, Аз преда́ю тебе в ру́це Иерихон и царя его, и су́щия в нем, сильны крепостию: и обходите град о́крест вси мужие крепции единою (на день), тако сотворите шесть дний: и седьм жерцы да возмут седьм труб ро́жаных пред кивотом: и в седмый день обыдите градъ седмижды, и жерцы да вострубят в трубы ро́жаны: и будет егда вострубите трубою ро́жаною, внегда услышати вам глас трубы, да воскликнут вси людие: и воскликнувшим им, падут сами стены града во основании своем, и внидут вси людие устремившеся кийждо прямо себе во град. И вниде Иисус сын Нави́н к жерцем сынов Израилевых и рече им глаголя: возьмите кивот завета Господня, и седм жерцы да возмут седьм труб рожаных пред лицем кивота Господня. И рече им глаголя: повелите людем обыти и окружити град, и во́ини да преды́дут вооруже́ни пред кивотом Господним. И бысть егда рече Иисус к людем, и седьм жерцы имуще седьм труб священных да преды́дут такожде пред Господем, и да вострубят доброгласно: и кивот завета Господня по них да идет: во́ини же да преды́дут напреди́, и жерцы трубяще в трубы, и последующий созади́ кивота завета Господня бяху идуще и трубяще трубами. Людем же заповеда́ Иисус, глаголя: не вопите, ниже да слышит кто гласа вашего, ниже да изы́дет из уст ваших слово до дне, в о́ньже повелю вам сам воскликнути, и тогда воскликните. И обшед кивот завета Божия окрест града (единою), абие и́де в полк, и ста тамо. Во вторый же день воста Иисус заутра, и воздвигоша жерцы кивот завета Господня. И жерцы седьм носящии седьм труб предыдяху пред кивотом Господним и трубиша трубами, и во́ини вооружени идяху, и прочии лю́дие вслед кивота завета Господня идуще, и жерцы вострубиша трубами ро́жаными. И обыдоша град в день вторый единою, и поидоша паки в полк: сице творяху шесть дний. И бысть в седмый день, восташа в востание утреннее, и обыдоша град в той день седмижды. И бысть во обхождении седмем вострубиша жерцы трубами, и рече Иисус к сыном Израилевым: воскликните, преда́де бо Господь вам град: и будет град сей проклят, и вся, елика суть в нем, Господу сил: токмо Раав блудницу снабдите ю, и вся, елика суть в дому ея, яко сокры прелагатаи, ихже посылахом: но вы соблюдитеся от клятвы, да не когда помысливше вы возмете от клятвы, и сотворите полк сынов Израилевых клятву, и потребите ны: злато же все и сребро, и медь и железо свято да будет Господу: в сокровище Господне да внесется. И вострубиша жерцы трубами: егда же услышаша людие глас трубный, воскликнуша вси купно людие гласом великим и сильным: и падоша вся стены града окрест, и внидоша вси людие во град, кийждо противу себе, и прияша град.

Царств первых чтение (1 Книга Царств. 17, 1-51).

И собираша иноплеменницы полки своя на брань, и собрашася в Сокхофе иудейстем, и ополчишася среде Сокхофа и среди азика во афесдоммине. Сау́л же и мужие Израилевы собрашася и ополчишася во удоли теревинфа и устрояхуся на брань противу иноплеменником. И иноплеменницы стояху на горе отсюду особь, Израиль же стояше на горе отонуду, и удоль между ими бяше. И изы́де муж силен из полка иноплеме́ннича, имя ему Голиаф от гефа, высота его шесть лакоть и пядь: и шлем медян на главе его, и в броню кольчату той оболчен бяше: и вес брони его пять тысящъ сикль меди и железа: и поножы медяны верху голений его, и щит ме́дянъ на плеща́х его: и ратовище копия его аки орудие ткущих, и копие его шесть сот сикль железа: и носяй оружие его идяше пред ним. И ста и возопи пред полки Израилевыми и рече им: почто изыдосте, ополчитися ли на брань противу намъ? Несмь ли аз иноплеменник, вы же еврее Сау́ловы? Изберите себе мужа, и да снидет ко мне: и аще возможет со мною братися и одолеет ми, будем вам раби: аще же аз возмогу одолети ему, будете вы нам раби и поработаете нам. И рече иноплеменник: се, аз днесь уничижихъ полк израилев в сей день: дадите ми мужа, иже поборется со мною един. И слыша Сау́л и весь Израиль глаголы иноплеменничи сия и ужасошася и убояшася зело. Давид же ефрафеев, сей бе от Вифлеема Иу́дина, имя же отцу его Иессе́й, емуже бе осмь сынов. Во дни же Сау́ловы бе муж той состареся в мужех. И идоша три сыны Иессе́евы старейшин на брань с Сау́лом: имена же сынов его пошедших на брань, Елиавъ первородный его, и вторый Аминадав, и третий Самма. Давид же бе юнейший, и три бо́льшии его идоша вслед Сау́ла. Давид же возвратився от Сау́ла, отиде пасти овцы отца своего в Вифлеем. И прихождаше иноплеменник утро и в вечер, являяся пред Израилем четыредесять дний. И рече Иессе́й Давиду сыну своему: возми убо братиям твоим меру ефи муки и десять хлеб сих, и иди в полк, и даждь братиям твоим: и десять сыров от млека сего, и даждь тысящнику: и братию свою посети в мире, и еликих аще требуют, увеси́, субботствовати же будеши со мною. Сау́л же и вси людие бяху во удоли дуба ратующеся со иноплеменники. И воста Давид рано, овцы же остави со стражею, и взя, и отиде, якоже заповеда́ ему отец его Иессе́й: и прииде на место, идеже исхождаху сильнии на брань и вопияху в полце́х. Зане́же вооружашеся Израиль противу иноплеме́нником, и иноплеме́нницы вооружа́хуся противу Израиля. И положи Давид бремя свое в руках стража, и тече в полк, и пришед вопроси братию свою в мире. Глаголющу же ему с ними, и се, муж месейский, емуже имя Голиаф, филистимлянин от гефы, изыде от полков иноплеменничих и глагола по словесем сим, и услыша Давид. И вси мужие Израилевы егда увидеша мужа, и бежаша от лица его и убояшася зело. И реша мужие Израильтестии: видесте ли мужа сего восходяща, яко поносити Израиля прииде? И аще будет муж, иже убиет его, оБогатит его царь Богатством велиим, и дщерь свою даст ему, и дом отца его сотворитъ свободен во Израили. И рече Давид к мужем стоящим с ним, глаголя: что сотворите мужу, иже убиет иноплеменника онаго и оти́мет поношение от Израиля? Яко кто есть иноплеменник необре́занный сей, иже поносит полку Бога Жи́ваго? И рекоша ему людие по словеси́ сему, глаголюще: тако сотворится мужу, иже убиет его. И услыша Елиав брат его болший, внегда глаголати ему к мужем: и разгневася яростию Елиав на Давида и рече: почто се́мо пришел еси́? и кому оставил еси́ малыя овцы оны в пустыни? вемъ аз гордость твою и злобу сердца твоего, яко видения ради брани пришел еси́. И рече Давид: что сотворих ныне? несть ли речь? И отвратися от него ко иному и рече по словеси́ сему. И отвещаша ему людие по словеси́ прежнему. И слышаны быша глаголы, ихже глагола Давид, и возвестиша пред Сау́лом: и пояша его людие и приведоша его пред Сау́ла. И рече Давид к Сау́лу: да не ужасается сердце господину моему о сем, раб твой пойдет и поборется со иноплеменником сим. И рече Сау́л к Давиду: не возможеши пойти ко иноплеменнику сему братися с ним, яко ты детищь еси́, сей же муж борец есть от юности своея. И рече Давид к Сау́лу: егда пасяше раб твой отца своего стадо, и егда прихождаше лев или́ медведица и восхищаше от стада овцу едину: и аз вслед его исхождах и поражах его, и исторгах из уст его (взятое): и аще воспротивляшеся ми, то взем за гортань его, поражах и умерщвляхъ его: и льва и медведицу бияше раб твой, и будет иноплеменник необре́занный сей яко един от сих: не пойду ли, и поражу его, и отиму днесь поношение от Израиля? понеже кто необре́занный сей, иже уничижи полк Бога? И рече Давид: Господь иже изъят мя от руки львовы и от руки медведицы, той измет мя от руки иноплеменника сего необре́заннаго. И рече Сау́л к Давиду: иди́, и да будет Господь с тобою. И облече Сау́л Давида одеждею, и шлем медянъ возложи на главу его, и препояса Давида оружием своим верху одежды его. Давид же походив (во оружии) се́мо и ова́мо, утрудися, яко не обыче. И рече Давид Сау́лу: не могу ити в сих, яко не обыко́х. И взяша от него сия. И взя палицу свою в руку свою, и избра себе пять камений гладких от потока, и вложи я в тобо́лец пастырский егоже ноша́ше, и прашу́ свою имый в руце своей, и иде к мужу иноплеменнику. И идяше иноплеменник приближался к Давиду, и носяй оружие его пред ним (идяше). И виде Голиаф иноплеменник Давида и обезчествова его, зане той детищь бе, и чермен и леп очима. И рече иноплеменник к Давиду: еда́ пес азъ есмь, яко ты идеши противу мене с палицею и ка́мением? И рече Давид: ни, но и хуждший пса. И прокля иноплеменник Давида боги своими. И рече иноплеменник к Давиду: гряди ко мне, и дам плоть твою птицам небесным и зверем земным. И рече Давид иноплеменнику: ты идеши на мя с мечем и с копие́м и щитом, аз же иду на тя во имя Го́спода Бога Савао́фа, Бога ополчения Израилева, егоже ты уничижил еси́ днесь: и преда́ст тя Господь днесь в руце мои, и убию тя, и отиму главу твою от тебе, и дам тело твое и телеса полка иноплеме́ннича в день сей птицам небеснымъ и зверем земным: и уразумеет вся земля, яко есть Господь Бог во Израили, и уразумеет весь сонм сей, яко не мечем ни копие́м спасает Господь, яко Господня брань, и преда́ст Господь вас в руки наша. И воста иноплеменник и иде во сретение Давиду. И ускори Давид и тече на сражение во сретение иноплеменнику .И простре́ Давид руку свою в тобо́лец, и изъя из него камень един, (и вложи в пращу,) и верже пращею, и порази иноплеменника в чело его, и унзе камень под шлемом его в чело его, и паде (Голиафъ) на лицы своем на землю. И укрепися Давид над иноплеменником пращею и каменем, и порази иноплеменника, и умертви его: оружия же не бе в руце Давидове. И тече скоро Давид, и ста над ним, и взя мечь его, и извлече его от недр его, и умертви его, и отсече им главу его. И видеша иноплеменницы, яко умре сильный их, и бежаша.

Пророчества Исаиина чтение (Ис.43, 9-14)

Вси языцы собрашася вкупе, и соберутся князи от них. Кто возвестит сия? или́ яже испе́рва кто возвестит вам? да приведут свидетели своя и оправдятся, и да услышат и да рекутъ истину. Будите ми свидетелие, и аз свидетель, глаголет Господь Бог, и Отрок Мой, егоже избрах, да увесте и веруете Ми и уразумеете, яко Аз есмь: прежде Мене не бысть ин Бог, и по мне не будет. Аз Бог, и несть разве Мене спасаяй. Аз возвестих и спасох, укорих, и не бе в вас чужди́й: вы Мне свидетелие, и Аз свидетель, глаголет Господь Бог, еще от начала, и несть изымаяй от руку́ Моею: сотворю, и кто отвратит е? Тако глаголет Господь Бог, избавляяй вас, Святый Израилев.

На литии стихиры святых воинов, глас 5-й:

Радуйтеся, боголюбивии во́ини Христови,/ тесным путем доброделания прошедшии,/ чистоты веры отеческия хранители,/ Православия защитницы./ Молитеся ко Господу/ даровати душам нашим мир и велию милость.

Любы́ и́стовыя явители,/ возвеселитеся благоразумнии дру́ги Христа Бога нашего, во́ини святии, / Триипостасного Божества вечныя трапезы сопричастницы, / молящийся о душах наших.

Ины стихиры, глас 2-й:

Веселися, Невесто Христова, Церкве Святая,/ наста бо день торжества славнаго/ Христос сокруши врата адовы/ Военачальник славный воинов,/ положивших в житии своем основание/ в Сем Жизнодавце.

Благодать Божия щедро изливается днесь в Церкви Православней/ от светильников любве присныя/ препоясанных крепостию смирения/ воинов Христовых.

Слава, глас 5-й:

Царствие Божие, в силе пришедшее, / восприяли есте в душах, во́и богомудрии,/ доблестию и страхом Божиим/ и верностию Христу Богу нашему.

И ныне, глас тойже:

Вси земнороднии/ стецемся усердно со Безплотными,/ прославити Взбранную Воеводу, Богородицу Пречистую, рождшую Творца твари.

На стиховне стихиры воскресные прилунившегося гласа

Слава, глас 2-й:

Земля убо подвигами вашими благословйся, во́ини славнии:/ воздух же молением освятйся,/| законом Любве сияющии.

И ныне, Богородичен, глас тойже:

Доме Пречистыя,/ уделе благословенный, /земле наша,/ храни веру

Православную,// в ней же тебе утверждение.

На благословении хлебов Богородице Дево: дважды, и

тропарь святых воинов единожды, глас 5:

Сонм воинов непобедимых,/ светоносен полк Царя Небеснаго/ воспоим вернии,/ прием бо вся оружия Божия/ и оболкшеся во броня́ правды,/ святии во́ини победиша славно полки враг невидимых,/ Церковь же Христову просветиша зарями тмочисленными,/ темже молим Христа Бога/ тех молитвами спасти души наша.

На утрене

На «Бог Господь» — тропарь воскресный, гласа (дважды). «Слава» — тропарь святых воинов, глас 5-й, «И ныне» - тропарь праздника, глас 1-й.

Кафизмы 2-я и 3-я. Малые ектении. Седа́льны воскресные.

Величание святым воинам:

Величаем Вас, / вси святии во́ини Христоименитии,/ Церкви Православныя украшение,/ и молитвенницы о душа́х наших.

Непорочны «Ангельский собор...». Затем ипакои воскресны, седа́льны святых воинов, степенны гласа и, если храм святых воинов, то прокимен святым воинам — глас 4. Если же нет, то прокимен воскресный.

Ипакои святых воинов глас 2:

В житии крест, яко ярем вземшии,/ ближним служите от сердца восхотевший, во́ини святии/ венец славы от Христа приемшии/ молитеся ко Господу, диавола поправшему// даровати мйрови вёлию мйлость.

Седа́льны святых воинов по полиелее, глас 1:

Стояще во храме Господни, / во дво́рех дому Бога нашего, / хвалите имя Всеславнаго и Предивнаго во святых Своих, / превозносите, людие, вочеловечшагося Господа, / даровавшаго людем своим таковых молитвенников,/ ду́ши наша озаряющих светом благочестия / доблестию во бранех и страхом Божиим сияющих святых воинов,/ и сердца наша движущих к славословию Живоначальныя Троицы.

Слава, и ныне, Богородичен, глас тойже:

Заступницу Тя жизни вемы / и твердую Хранительницу, Дево, / и искушений тучи разсеявающую, / и бесов нападения отгоняющую, / и молимся всегда: / от гибельных страстей наших избави нас.

Степенна гласа.

Если же совершатъ службу святых воинов кроме недели, то тогда только 1-й антифон 4-го гласа.

Прокимен, глас 4-й:

Святым, иже суть на земли Его, /удиви Господь вся хотения Своя в них.

Стих: Сохрани мя Господи, яко на Тя уповах.

Евангелие от Иоанна зач. 51 «Воскресение Христово видевше...». По 50-м псалме: «Слава» — Если храм святых воинов: «Молитвами всех святых воинов...». Если же нет, то: «Молитвами апостолов...». Стихира воскресная, гласа. Канон воскресный гласа на 4, Богородице на 2 , празника на 2 и святых на 6.

Канон святых глас 2, егоже краегранеси́е:
Похвалу приношу воинам Господним мира.

Песнь 1

Ирмо́с: Воду прошед, яко сушу, и египетскаго зла избежав, Изра́ильтянин вопияше: Изба́вителю и Богу нашему поим.

Припев: Вси святии во́ини, молите Бога о нас.

Похвальное пение от избытка сердца уста наша вознести дерзают, вы же, о преславнии во́ини Христови, от тяжких и лютых ны спасите.

Отверзите уста наша немощная, да по достоянию величати вас возможем, дивнии и всепетии мученицы, молитвами вашими от лютых спасаемии.

Христа Господа присно моли, богоизбранный соборе и всепетый, да милостию Своею сохранит род христианский и от тяжких и лютых спасет люди православныя.

Богородичен: Воспевающе песни молебныя, к Тебе прибегаем, о Мати Всепетая. Ты же, яко Владычице Державная, от тяжких и лютых нас спаси.

Катавасия: «Крест начертав...».

Песнь 3

Ирмо́с: Небеснаго круга верхотворче Господи,/ и Церкве Зиждителю,/ Ты мене утверди в любви Твоей,/ желаний краю, верных утверждение,// Едине Человеколюбче.

Ангельских чинов сомолитвенницы, преславнии угодницы Божии и всепетии, о воинстве православием и о мире всем предстательствуйте выну и во Православии недвижимы ны утвердите.

Ли́че богоизбра́нных воинов Господних, у Престола Божия предстояще, молися ко Господу, да от бед сохранит люди и во Православии страну нашу утвердит.

Угодницы Христови всеславнии, кровию своею любовь к Богу запечатлевший, молитвами вашими необоримы ны во Православии утвердите.

Богородичен: Покров Твой, Мати Дево, воспевающе, имже от злых избавление прияхом, Тя присно молим во Православии ны недвижимы утвердили.

Кондак, глас 2:

Доблии во́ини Иисуса Христовы,/ вернии друзи Божии,/ не обяза́стеся ку́плями житейскими,/ Воеводе же Взбранному преславно угодили есте,/ душу свою положив за дру́ги своя,/ темже пред Престолом Господа славы/ молите о еже спастися нам.

Икос:

Память собора всех святых воинов совершающе, / боголепными песньми прославим Божественнаго Утешителя, / даровавшаго явления Своя комуждо на пользу / и любовию всесовершеннейшею оросившаго сердца верных Своих. / Сего ради Господа песнословяще, / ублажаем вас, предстателие наши, во бранех крепции // вы же непрестанно молитеся о еже спастися нам.

Седа́лен, глас 2

Моление теплое принеси́те, прехвальнии, / ко Всемилостивому Богу Спасу нашему, / о граде и земли нашей предстательствующе; / от всякаго зла сохраните чада ваша / и от бед всяческих избавите, // небеснии и всепетии заступницы наши.

Слава, и ныне, Богородичен:

Моление теплое и Стена необоримая, / милости Источниче, мирови Прибежище, / прилежно вопием Ти: Богородице Владычице, предвари, / и от бед избави нас, // Едина вскоре предстательствующая.

Песнь 4

Ирмо́с: Услышах, Господи, смотрения Твоего таинство, разумех дела Твоя и прославих Твое Божество.

Руце присно ко Господу воздевающе, молитеся, во́ини святии, да от грехов очистит и страсти исцелит рабов Своих, во умилении взывающих: слава силе Твоей, Господи.

Исцеление испросите нам, достоблаженнии во́ини, елеем молитв ваших сердца наша от ран греховных врачующе, да Христу Спасу песнь вопием немо́лчно: слава силе Твоей, Господи.

Небесному Престолу предстояния молитвами вашими и нас сподобите, да купно с вами во веки воспоим: слава силе Твоей, Господи.