Ирмос: На камени мя веры утвердив, разрешил еси уста моя на враги моя. Возвесели бо ся дух мой, внегда пети: несть свят, якоже Бог наш, и несть праведен паче Тебе, Господи.

Сердце чисто созижди во мне, Боже, и дух прав обнови во утробе моей.

Слезныя ми подаждь, Христе, капли, скверну сердца моего очищающия; яко да благою совестию очищен, верою прихожду и страхом, Владыко, ко причащению Божественных даров Твоих.

Не отвержи мене от лица Твоего, и Духа Твоего Святаго не отыми от мене.

Во оставление да будет ми прегрешений Пречистое Тело Твое и Божественная Кровь, Духа же Святаго общение, и жизнь вечную, Человеколюбче, и страстей и скорбей отчуждение.

Пресвятая Богородице, спаси нас.

Богородичен: Хлеба животнаго Трапеза Пресвятая, свыше милости ради сшедшаго, и мирови новый живот дающаго, и мене ныне сподоби недостойнаго, со страхом вкусити сего, и живу бытии.

Возвеселися бо ся – ибо возвеселился. Внегда – когда. Несть свят, якоже Бог наш – никто не свят, как свят Бог наш. Несть праведен паче Тебе – никто не праведен более Тебя. Отчуждение – освобождение (да будет Причастие в освобождение от страстей и скорбей). Хлеба животнаго – Хлеба жизни. Свыше милости ради сшедшаго – сошедшего свыше по милосердию (милости ради). Мирови – миру. Живот – жизнь.